சில்லி கோபி

சில்லி கோபி

தேவையான பொருட்கள்:

======================

காலி ப்ளவர் - ஒன்று

சிகப்பு மிளகாய் - ஐந்து

கார்ன் ப்ளவர் - ஒரு கப்

உப்பு - தேவையான அளவு

இஞ்சி பூண்டு விழுது - ஒரு ஸ்பூன்

அஜினமோட்டோ - ஒரு சிட்டிகை(விருப்பபட்டால்)

மிளகாய் தூள் - ஒரு டீஸ்பூன்

நல்லெண்ணெய் - ஒரு ஸ்பூன்

காலி ப்ளவர் பொரிக்க எண்ணெய் தேவையான அளவு

செய்முறை:

==========

* சிகப்பு மிளகாயை சிறிது நீர் விட்டு விழுதாக அரைத்து கொள்ளவும்.

* கார்ன் ப்ளவரில் உப்பு,அஜினமோட்டோ,நல்லெண்ணெய்,இஞ்சி பூண்டு விழுது,மிளகாய் தூள்,சிகப்பு மிளகாய் விழுது சேர்த்து தேவையான அளவு நீர் விட்டு பஜ்ஜி மாவு பதத்தை விட சிறிதளவு நீர்க்க கலந்து கொள்ளவும்.

* ஒரு பெரிய பாத்திரத்தில் காலிப்ளவரை பெரிய பெரிய பூக்களாக நறுக்கி போட்டு அது முங்கும் அளவு நீர் சேர்த்து மூன்று ஸ்பூன் உப்பு சேர்த்து இரண்டு நிமிடம் கொதிக்க வைத்து எடுக்கவும்.

* எண்ணையை சூடாக்கவும்.

* எடுத்ததும் உடனே வடிகட்டி காலிப்ளவரை கார்ன் ப்ளவர் கலவையில் சேர்த்து மூன்று நிமிடம் வைத்து சூடாக்கிய எண்ணெயில் போட்டு பொரித்தெடுக்கவும்.

* மொறுமொறுப்பான சில்லி கோபி தயார்.

குறிப்பு:

=======


படத்தில் உள்ளது போல் ரெட்டிஷ் கலர் வர வேண்டுமானால் சாதாரண மிளகாய் தூள்ளிற்கு பதிலாக "காஷ்மிரி சில்லி பௌடர்" சேர்த்து செய்யவும்.

இதே போல் வாழைக்காயில் செய்யலாம்.வாளைக்காயினை 1/4 பாகமாக வேக வைத்து மெலிதாக நறுக்கி மேல் சொன்ன முறையில் செய்யலாம்.

நன்றி