வீட்டிலேயே செய்யலாம் முட்டை பப்ஸ் :
தேவையான பொருட்கள்:
முட்டை 2
பஃப்ஸ் ஷீட்ஸ் - 4 (ரெடிமேடாகவே கிடைக்கிறது)
இஞ்சி பூண்டு விழுது, மிளகு தூள், தனியா தூள், மஞ்சள் தூள் - தலா 1/2 தேக்கரண்டி
எண்ணெய் - 1 கப்
வெங்காயம் - 5
தக்காளி - 1
கறிவேப்பிலை, கரம்மசாலா தூள் - சிறிது
செய்முறை:
முட்டையை வேக வைத்து தோல் உரித்து இரண்டு பாகமாக வெட்டி வைக்கவும்.
வெங்காயம், தக்காளியை பொடியாக நறுக்கி வைக்கவும்.
வாணலியில் 2 தேக்கரண்டி எண்ணெய் ஊற்றி அதில் வெங்காயம், கறிவேப்பிலை சேர்த்து வதக்கவும்.
இஞ்சி பூண்டு விழுதை சேர்த்து வதக்கி, பின் தக்காளி சேர்த்து வதக்கவும்.
பிறகு பொடி வகைகளை சேர்த்து நன்கு கிளறி 3 நிமிடம் வேக விடவும். இறுதியாக முட்டைகளை இட்டு வதக்கவும்.
பின் சிறிது மசாலாவுடன் பாதி முட்டையையும் ஒரு பப்ஸ் ஷீட்டில் வைத்து ஓரங்களை மடிக்க வேண்டும். இப்படி 4 பப்ஸ்களையும் செய்து கொள்ளவும்.
ஓவென் டோஸ்டரில் நான்கு பப்ஸ்களையும் வைத்து 30 நிமிடம் வேகவிடவும். அவ்வளவுதான் முட்டை பப்ஸ் தயார்.
சில்லி கோபி
14 years ago
No comments:
Post a Comment